अनन्त बचत तथा ऋण सहकारी संस्थाको अध्यक्षमा तिमल्सेना

तनहुँ । अनन्त बचत तथा ऋण सहकारी संस्था लिमिटेडको १६औँ वार्षिक साधारण सभा तथा ५औँ अधिवेशन सम्पन्न भएको छ। उद्घाटन सत्र संस्थाका अध्यक्ष अर्जुन गुरुङको अध्यक्षतामा सम्पन्न भएको थियो।

कार्यक्रममा अध्यक्ष अर्जुन गुरुङ, कोषाध्यक्ष मदन तिमल्सेना तथा लेखा परीक्षण समितिका संयोजक रघुनाथ तिमल्सेनाले आ–आफ्ना प्रतिवेदनहरू प्रस्तुत गरेका थिए।
कार्यक्रमकै क्रममा शेयर सदस्य डा. किरण पौडेललाई उत्कृष्ट अंक प्राप्त गरी चिकित्सक बन्न सफल भएको तथा सहकारीका तर्फबाट पहिलो ‘डा.’ प्राप्त सदस्य भएकोमा सम्मान गरिएको थियो।

नव–निर्वाचित पदाधिकारीहरू

अधिवेशनले निम्नानुसारका पदाधिकारी सर्वसम्मत चयन गरेको छः

• अध्यक्ष : रामजी प्रसाद तिमल्सेना

• उपाध्यक्ष : बाबुराम मिश्र

• सचिव : पूर्णकान्त अधिकारी

• कोषाध्यक्ष : मदन तिमल्सेना

• सदस्यहरू : प्रेमराज मिश्र, शान्ता पौडेल खनाल, मोहन साखी, हरि बहादुर भण्डारी, कल्पना ओझा, गोपाल बहादुर गुरुङ

त्यस्तै, लेखा सुपरिवेक्षण समितिमा

• संयोजक : रघुनाथ तिमल्सेना

• सदस्यहरू : हरिहर घिमिरे, मनिषा कडेल निर्वाचित भएका छन्।

कार्यक्रममा विशिष्ट उपस्थिती

साधारण सभाका प्रमुख अतिथि अनन्त बचत तथा ऋण सहकारी संस्थाका संस्थापक उपाध्यक्ष तथा समाजसेवी बसन्तराज सोति रहेका थिए। विशिष्ट अतिथिमा वडा नं. १० का वडा सदस्य इश्वर पौडेल, दुध उत्पादक सहकारी संघका केन्द्रीय अध्यक्ष अम्बरबहादुर कुँवर, तथा पूर्व अध्यक्षहरू हरिभक्त अधिकारी र विष्णु प्रसाद अधिकारी लगायत विभिन्न टोल विकास संस्था, खानेपानी उपभोक्ता समिति, वन उपभोक्ता समूह, युवा क्लब, आमा समूहका अध्यक्ष तथा प्रतिनिधिहरू र शेयर सदस्यहरूको उल्लेख्य उपस्थिति रहेको थियो।