तनहुँ जिल्लाको ब्यास नगरपालिका–१२, घाँसिकुवा स्थित पृथ्वीराजमार्गमा भएको मोटरसाइकल दुर्घटनामा एक जनाको मृत्यु भएको छ।
दमौलीबाट डुम्रे तर्फ जाँदै गरेको ग २३ प ९५४२ नम्बरको NS मोटरसाइकल अनियन्त्रित भई सडकको बायाँ साइडमा रहेको रेलिङमा ठोक्किँदा दुर्घटना भएको हो।
दुर्घटनामा मोटरसाइकल चालक निजिन मल्ल (२० वर्ष), ब्यास नगरपालिका–१३ बस्ने, सामान्य घाइते भएका छन्। उनलाई प्रहरीले नियन्त्रणमा लिएको जिल्ला प्रहरी कार्यालय तनहुँले जनाएको छ।
त्यसैगरी मोटरसाइकलमा पछाडि सवार जगत बाचे मगर अन्दाजी २० वर्ष ब्यास नगरपालिका–१ बस्ने, टाउकोमा गम्भीर चोट लागी घाइते भएका थिए। उनलाई उपचारका लागि प्रदेश अस्पताल दमौली पठाइएको थियो, तर उपचारको क्रममा चिकित्सकले मृत घोषणा गरेका हुन्।
दुर्घटनाको सम्बन्धमा थप अनुसन्धान भइरहेको जिल्ला प्रहरी कार्यालय तनहुँले जनाएको छ।
