काठमाडौं, मंसिर ३ ।
नेकपा एमाले पोलिटब्युरो सदस्य महेश बस्नेतले वर्तमान सरकार लोकतान्त्रिक व्यवस्थामाथि ‘नियोजित आक्रमण’ गरिरहेको आरोपलगाउनु भएको छ। प्रेस चौतारी नेपाल केन्द्रीय कार्यालयमा बुधबार आयोजित पत्रकार सम्मेलनमा उनले सरकारको गतिविधि र देशकोसमग्र अवस्था ‘अत्यन्त जटिल’ बन्दै गएको दाबी गरे।
बस्नेतका अनुसार अन्तर्राष्ट्रिय शक्तिहरूले नेपालमा आफ्नो प्रभाव विस्तार गरिरहेका छन् भने राष्ट्रवाद र विकासको पक्षधर दाबी गर्नेकेही शक्ति ‘छद्मरूपमा लोकतन्त्र समाप्त पार्ने खेल’मा लागेको आरोप लगाए। उनले भने, “अन्तर्राष्ट्रिय साम्राज्यवादीहरूले देशमा नङ्ग्रागाडेका छन्। दलीय व्यवस्था र विधिको शासन कमजोर पारेर मात्रै उनीहरूको उद्देश्य पुरा हुन्छ भन्ने उनीहरूले बुझेका छन्।”
सिमरा विमानस्थल घटनाको आलोचना
राष्ट्रिय युवा संघ नेपाल मधेस प्रदेशको कार्यक्रममा सहभागी हुन बारा जान लागेका एमाले महासचिव शंकर पोखरेल लगायत नेताहरू विमानस्थल जान खोज्दा ‘जेनजी समूह’ का नाममा युवाहरूले सिमरा विमानस्थलमा प्रदर्शन गरेपछि उडान अवरुद्ध भएको घटनालाई बस्नेतले नियोजित क्रिया–कलापको उदाहरण बताए।
दुर्गा प्रसाईँ पक्राउबारे टिप्पणी
दुर्गा प्रसाईँको मध्यराति भएको पक्राउ “गलत र असंवैधानिक” भएको बताउँदै बस्नेतले प्रसाईँले जेनजी आन्दोलनका नाममा भएकोविदेशी चलखेल उजागर गरेकै कारण उनलाई पक्राउ गरिएको दाबी गरे। उनले सरकार अभिव्यक्ति स्वतन्त्रताको खिल्ली उडाइरहेको आरोप पनि लगाए।
सरकार प्रमाण नष्ट गर्न लागिपरेको आरोप
हालै भएका आन्दोलनमा भएको आगजनी तथा तोडफोडका प्रमाण सरकार नष्ट गर्न खोजिरहेको बस्नेतको आरोप छ। प्रधानमन्त्री सुशीला कार्की र मन्त्रिपरिषदको व्यवहारप्रति असन्तुष्टि व्यक्त गर्दै उनले सरकार देशमा अस्थिरता र अन्योलता बढाउँदै रहेको दाबी गरे।
कुलमान घिसिङमाथि गम्भीर आरोप
नेपाल विद्युत् प्राधिकरणका पूर्व कार्यकारी निर्देशक तथा अन्तरिम सरकारका मन्त्री कुलमान घिसिङमाथि बस्नेतले ४३ करोड रुपैयाँभ्रष्टाचार गरेको गम्भीर आरोप लगाए। उनले अन्तर्देशीय प्रसारण लाइनकै रकम सारेर निकटका कम्पनीलाई फाइदा पुर्याइएको दाबीगरे।
बस्नेतका अनुसार घिसिङले विभिन्न व्यक्तिहरू समेटेर नयाँ दल खोल्ने अनेक प्रयास गरे पनि असफल हुँदै अन्ततः ‘उज्यालो नेपाल पार्टी’ दर्ता गर्न पुगेका छन्।
जेनजी गतिविधिबाट देश अस्थिर
‘जेनजी समूह’ को गतिविधिले देश अस्थिर बन्दै गएको दाबी गर्दै बस्नेतले २०–३० जनाको हल्लाले सिमरा विमानस्थल जस्तो महत्वपूर्ण संरचना ठप्प हुनुले सुरक्षा संयन्त्र कमजोर भएको देखाएको बताए।
संसद् पुनर्स्थापनाको माग
प्रधानमन्त्री सुशीला कार्की नेतृत्वको सरकार ‘स्टनबाजी’ मार्फत देश चलाउन खोजि रहेकाले संसद् पुनर्स्थापना अनिवार्य भएको बस्नेतको तर्क छ।
उनका अनुसार मंसिर ६ गते एमालेले ठूलो शक्ति प्रदर्शन गर्दै सरकारलाई स्पष्ट राजनीतिक सन्देश दिनेछ, र त्यो दबाबले सरकारलेटिक्न नसक्ने दावा उनले गरे।
ओलिलाई निरन्तरता दिने पक्षमा बस्नेत
पार्टीभित्रका केही नेताहरू ‘विरोधी शक्तिको लहैलहैमा लागेको’ दाबी गर्दै बस्नेतले अब सबै एकजुट भएर पार्टी बलियो बनाउनुपर्ने रआगामी अध्यक्षमा केपी शर्मा ओलीलाई नै निरन्तरता दिनुपर्ने धारणा राखे।
शान्तिपूर्ण आन्दोलन हुने दाबी
राजनीतिक दलले कार्यक्रम गर्न प्रमुख जिल्ला अधिकारीसँग अनुमति लिनु नपर्ने बताउँदै बस्नेतले एमालेको आन्दोलन पूर्णतः शान्तिपूर्णहुने दाबी गरे। “एमालेलाई रोक्न खोजेर रोकिने अवस्था छैन,” भन्दै उनले सरकारप्रति सकारात्मक आशा राख्न आग्रह पनि गरे।
