तनहुँको बन्दीपुर गाउँपालिकाले उत्कृष्ट शिक्षक तथा विद्यार्थी सम्मानसहित विद्यार्थीहरूको प्रतिभा पहिचान कार्यक्रम सम्पन्न गरेको छ। आइतबार, कार्तिक २३ गते आयोजित समारोहमा उत्कृष्ट विद्यालय, शिक्षक र विद्यार्थीलाई नगद, ट्रफी तथा प्रमाणपत्र प्रदान गरिएको हो।
नृत्य प्रतियोगिता
प्रतिभा पहिचान कार्यक्रमअन्तर्गत नृत्य प्रस्तुत गर्ने १० वटा विद्यालयमध्ये
• प्रथम: पवित्र माध्यमिक विद्यालय (नगद २०,०००, ट्रफी, प्रमाणपत्र)
• द्वितीय: मनास्लु बोर्डिङ स्कुल (नगद १७,०००, ट्रफी, प्रमाणपत्र)
• तृतीय: भानु माध्यमिक विद्यालय (नगद १३,०००, ट्रफी, प्रमाणपत्र)
• सान्त्वना: कालिका माध्यमिक विद्यालय (नगद ५,०००, प्रमाणपत्र)
शैक्षिक उत्कृष्टता
आधारभूत तह (कक्षा ८) को परीक्षामा सामुदायिक विद्यालयतर्फ
• प्रथम: सन्देश थापा (कालिका मा.वि.)
• छात्रातर्फ प्रथम: इन्दु गुरुङ (अरुण मा.वि.)
त्यस्तै, माध्यमिक शिक्षा परीक्षा (एसईई) उत्कृष्टताका आधारमा ८ जना विद्यार्थी सम्मानित भए, जसमा पवित्र मा.वि.का आयुषा श्रेष्ठ, ईसा नैनाबस्ती, लोकेश गुरुङ, मनिला लामा, रेजिना थापा, सभ्यता बिक, भानु मा.वि.की सलिना गुरुङ र विष्णु मा.वि.का दिलिप भण्डारी क्षेत्री रहेका छन्।
उत्कृष्ट शिक्षक सम्मान
कार्यक्रममा आधारभूत तथा माध्यमिक तह गरी १७ जना शिक्षकलाई नगद पुरस्कार र प्रमाणपत्र प्रदान गरिएको थियो।
आधारभूत तह (कक्षा ८ सम्म):
• नेपाली: दमयन्ती बोहरा, लालु गुरुङ, सबिना पण्डित, रामविलास पोख्रेल
• अङ्ग्रेजी: युवराज सेन ठकुरी, रेशम थापा
• गणित: सरोज यादव
• विज्ञान: पवन कुमार श्रेष्ठ, रामकुमार श्रेष्ठ, प्रतिमा अधिकारी
• सामाजिक: वीरेन्द्र केसी
माध्यमिक तह (एसईई स्तर):
• नेपाली: लालु गुरुङ, प्रमिला गुरुङ
• सामाजिक: भोलानाथ भट्टराई
• शिक्षा: बाबुराम रानाभाट, मानबहादुर ओली
• गणित: विजय आचार्य
नेतृत्वको प्रतिबद्धता
समारोहमा बन्दिपुर गाउपालिका अध्यक्ष सुरेन्द्र बहादुर थापा गुणस्तरीय शिक्षाको प्रवर्द्धनमा गाउँपालिका निरन्तर सक्रिय रहने प्रतिबद्धता जनाए। उपाध्यक्ष पञ्चमाया गुरुङ र वडा नं. ३ का वडाध्यक्ष परमेश्वर भट्टराईको पनि कार्यक्रममा उपस्थिति रहेको थियो । कार्यक्रम सञ्चालन शिक्षा, युवा तथा खेलकुद शाखा प्रमुख भीम लामिछानेले गरेका थिए।
कार्यक्रममा १० विद्यालयका विद्यार्थी, शिक्षक तथा अभिभावकको उत्साहजनक उपस्थिति थियो।
