तनहुँ, नेकपा एमाले ब्यास नगर कमिटिले आगामी २०८२ कार्तिक २५ गते दमौलीमा भव्य जनप्रदर्शन गर्ने भएको छ।नगर कमिटीका सचिवालय सदस्यहरू तथा वडाध्यक्षहरूको उपस्थितिमा बसेको बैठकमार्फत तयारी अन्तिम चरणमा पुगेको जनाइएको छ।
बैठकका प्रमुख अतिथि एमाले केन्द्रीय सल्लाहकार सदस्य प्रतापलाल श्रेष्ठले जनप्रदर्शनलाई सफल बनाउन सबै वडाबाट सक्रियसहभागिता आवश्यक भएको बताए। उनले १४ वटै वडाका नेता तथा कार्यकर्तालाई कार्यक्रममा अनिवार्य रूपमा उपस्थित हुन आग्रहगरे। कार्यक्रममा विशिष्ट अतिथि नरेन्द्र राज वाग्ले रहेका थिए भने अतिथिहरूमा हरिराज कडेल, मनमाया श्रेष्ठ, मोहनसङि सुनार रहेका थिए।
नगर कमिटीका अध्यक्ष तुलसिराम पाण्डेका अनुसार जनप्रदर्शन सोही दिन बिहान ११ बजे पार्टी कार्यालयबाट सुरु हुनेछ। ब्यास नगरका१४ वटै वडाका पार्टी सदस्य, शुभेच्छुक तथा समर्थकहरूलाई व्यापक सहभागिताका लागि आग्रह गरिएको छ। अध्यक्ष पाण्डेले जनप्रदर्शनलाई सभ्य र भव्य बनाउन सबै पक्ष सक्रिय रूपमा जुटिरहेको बताएका छन्।
