तनहुँ। प्रदेश आयुर्वेदिक चिकित्सालय दमौलीले बालबालिकालाई लक्षित गरी स्वर्णविन्दु प्राशन खुवाउने कार्यक्रम आगामी मिति २०८२कार्तिक २५ गते मंगलबार सञ्चालन गर्ने भएको छ। कार्यक्रम विहान ७ बजेदेखि १० बजेसम्म सञ्चालन हुने चिकित्सालयले जनाएको छ।
चिकित्सकका अनुसार स्वर्णविन्दु प्राशन मह, घ्यू र सुन मिसाएर तयार पारिने आयुर्वेदिक मिश्रण हो, जसले बालबालिकाको शारीरिकबल र तन्दुरुस्ती बढाउने, स्मरण शक्ति तथा बुद्धि विकासमा सहयोग पुर्याउने, पाचन प्रणाली सुदृढ बनाउने र रोग प्रतिरोध क्षमता वृद्धिगर्ने मानिन्छ। साथै यसले बालबालिकाको शारीरिक तथा मानसिक सर्वाङ्गीण विकासमा मद्दत गर्ने विश्वास गरिएको प्रदेश आयुर्वेदिक चिकित्सालय दमौलीका प्रमुख डाक्टर नारायण श्रेष्ठले जानकारी दिनुभयो ।
चिकित्सालयले १ वर्षदेखि ५ वर्षसम्मका बालबालिकालाई समयमा उपस्थित भई सेवा लिन आग्रह गरेको छ।
