बन्दीपुर गाउँपालिका वडा नं. १ ले पिप्ले र डुम्रे बजार क्षेत्रमा निःशुल्क WiFi सेवा सञ्चालनमा ल्याएको छ।पर्यटन विकास, स्थानीय ग्राहक तथा यात्रु वर्गलाई सहज बनाउने उद्देश्यसहित वडा कार्यालय रिमाल्नीले दुवै क्षेत्रमा Free WiFi उपलब्ध गराउन थालेको हो।
वडाका अनुसार सेवा करिब २०० मिटर दायरा भित्र उपयोग गर्न सकिनेछ। सेवा कस्तो चालु छ भन्ने बारे वडाले प्रयोगकर्तालाई प्रतिक्रियादिन पनि आग्रह गरेको छ।पिप्ले बजारमा भने २४ घण्टा सुचारु हुनेगरी सेवा विस्तार गरिएको छ।
विशेषगरी बन्दीपुर भ्रमणमा आउने पर्यटकलाई लक्षित गर्दै स्थानिय क्षेत्रका स्थलहरूको जानकारी, पर्यटकीय सूचना तथा सवारी साधनकुर्दा उपयोगी हुने सामग्रीहरू ऑनलाइनमार्फत सहज रूपले उपलब्ध गराउने तयारी गरिएको छ।
वडा नं. १ का वडाध्यक्ष शिवकुमार श्रेष्ठका अनुसार चुनावताका गरिएको प्रतिबद्धता अनुसार फ्री WiFi कार्यक्रम अघि बढाइएको हो।उहाँले आगामी दिनमा अन्य स्थानहरूमा पनि क्रमिक रूपमा सेवा विस्तार गर्ने योजना रहेको जानकारी दिए।
