काठमाडौं । नेकपा (एस) बाट नेकपा (एमाले) फर्किने तयारीमा रहेका रामकुमारी झाँक्रीसहितका नेताहरूले भोलि बिहान औपचारिक रूपमा पार्टी प्रवेशको घोषणा गर्न लागेका छन्। एमालेमा फर्किने समूहले भोलि बिहान काठमाडौंको बबरमहलस्थित होटेल बसेरामा पत्रकार सम्मेलन आयोजना गर्ने भएको हो।
एमालेमा फर्किने तयारीमा रहेका नेतामध्ये पूर्वमन्त्री रामकुमारी झाँक्री, किसान श्रेष्ठ, अम्बरबहादुर थापा, गम्भीरलाल श्रेष्ठ, पीताम्बर तिम्सिना, र अर्जुन राई रहेका छन्।
स्रोतका अनुसार, यी नेताहरूले नेकपा (एकीकृत समाजवादी) बाट अलग भएर पुनः एमालेमा सक्रिय हुने निर्णय गरेका हुन्।
