धादिङ — काठमाण्डौबाट महादेवबेशीतर्फ जाँदै गरेको बा ७० प १६५१ नं को मोटरसाइकल र गजुरीबाट काठमाण्डौतर्फ जाँदै गरेको बा ९७ प २८५२ नं को अर्को मोटरसाइकल आपसमा ठोक्किँदा एकजनाको मृत्यु भएको छ।
दुर्घटनामा काठमाण्डौबाट चितवनतर्फ आउँदै गरेको ना ६ ख ३०१३ नं को ट्रकमा ठोक्किँदा मोटरसाइकल चालक धादिङ थाक्रे गाउँपालिका–६ नौकिल्ला निवासी ६० वर्षीय उत्तम अर्यालको घटनास्थलमै मृत्यु भएको जिल्ला प्रहरी कार्यालय धादिङले जनाएको छ।
सोही दुर्घटनामा गजुरीबाट काठमाण्डौतर्फ जाँदै गरेका अर्को मोटरसाइकल चालक गजुरी गाउँपालिका–१ का ३० वर्षीय राजन श्रेष्ठ घाइते भएका छन्। उनलाई उपचारका लागि काठमाण्डौतर्फ पठाइएको प्रहरीले जनाएको छ।
दुर्घटनामा संलग्न ट्रक चालकलाई प्रहरी चौकी महादेवबेशीले नियन्त्रणमा लिएर थप अनुसन्धान भइरहेको जनाएको छ।



