तनहुँ — जिल्ला तनहुँको आँबुखैरेनी गाउँपालिका–४ बेनिटारस्थित पृथ्वी राजमार्गमा लागुऔषधसहित एक व्यक्ति पक्राउ परेका छन्।
आज मिति २०८२ कार्तिक १३ गते बिहान करिब ५:३० बजे, अस्थायी प्रहरी पोष्ट मुग्लिङ पुल जिप तनहुँको टोलीले नियमित सवारीसाधन चेकजाँचका क्रममा काठमाण्डौंबाट लमजुङतर्फ जाँदै गरेको म.प्र.०३–००१ ख.८१६३ नं.को यात्रुवाहक बस रोकी जाँच गरेकोथियो।
जाँचका क्रममा बसमा सवार लमजुङ बेशीशहर नगरपालिका–११ का २६ वर्षीय बिवश तामाङले साथमा बोकेको झोलामा ट्रामाडोल४३८ क्याप्सुल लुकाइ–छिपाइ ल्याएको अवस्थामा फेला परेपछि उनलाई नियन्त्रणमा लिइएको प्रहरीले जनाएको छ।
घटनासम्बन्धमा थप अनुसन्धानका लागि उनलाई इलाका प्रहरी कार्यालय आँबुखैरेनी, तनहुँमा पठाइएको प्रहरीले जनाएको छ।
