तालडाँडा सामुदायिक वन उपभोक्ता समूहको १५औं अधिवेशन सम्पन्न, नयाँ नेतृत्व चयन

शुक्लागण्डकी (तनहुँ) — शुक्लागण्डकी नगरपालिका–५ तालडाँडा सामुदायिक वन उपभोक्ता समूहको १५औं अधिवेशन तथा ३२औं साधारण सभा सम्पन्न भएको छ।
कार्यक्रम समूहकै भवनमा आयोजित थियो, जसको उद्घाटन निवर्तमान अध्यक्ष पदमप्रसाद शर्माले गर्नुभयो।

अधिवेशनले ढाकराम गिरीको अध्यक्षतामा नयाँ कार्यसमिति चयन गरेको छ। समितिको अन्य पदाधिकारीमा उपाध्यक्ष शंकरराज तिमल्सिना, सचिव अमृता तिमल्सिना, सह–सचिव रिता भण्डारी र कोषाध्यक्ष विष्णु कार्की रहेका छन्।

त्यसैगरी सदस्यहरूमा सरस्वती पौडेल, कृष्ण विश्वकर्मा, राजेन्द्र प्रसाद शर्मा, नवराज श्रेष्ठ, चन्द्रबहादुर कुँवर, मनकुमारी कुँवर, शिवमाया थापा र रेशमबहादुर मल्ल चयन भएका छन्।

अधिवेशनमा समूहका उपभोक्ता, स्थानीय अगुवा र सरोकारवाला निकायका प्रतिनिधिहरूको उल्लेखनीय उपस्थिति रहेको थियो। कार्यक्रममा वन संरक्षण, व्यवस्थापन र दिगो उपयोगबारे समेत छलफल भएको समूहले जनाएको छ।