तनहुँ — व्यास नगरपालिका–४ सितलचोकस्थित भित्री सडकखण्डमा एक पुरुष मृत अवस्थामा फेला परेका छन्।
जिल्ला प्रहरी कार्यालय तनहुँका अनुसार मिति २०८२ असोज ३ गते साँझ ७:१५ बजे उक्त स्थानमा वडा नं. १० कुमलटारी बस्ने जेके भनिने ३५ वर्षीय टेक ब. बिक मृत अवस्थामा फेला परेका हुन्।
प्रहरीका अनुसार मृतकले मादक पदार्थ सेवन गर्ने बानी भएको भन्ने प्रारम्भिक जानकारी प्राप्त भएको छ। घटनास्थलमा प्रहरीले पुगेर मुचुल्का उठाएको र आवश्यक अनुसन्धान कार्य भइरहेको जनाइएको छ।
मृतकको शव पोष्टमार्टमका लागि प्रदेश अस्पताल दमौली पठाइएको प्रहरीले जनाएको छ। घटनाको विस्तृत कारण खुल्न बाँकी रहेको र थप अनुसन्धान जारी रहेको प्रहरीले बताएको छ।
